➡ ১৮৭৭ চনৰ আজিৰ দিনটোতে খ্যাতনামা উৰ্দু কবি, দাৰ্শনিক আৰু শিক্ষাবিদ ছাৰ মহম্মদ ইকবালৰ জন্ম হৈছিল । মুছলমানসকলৰ বাবে সুকীয়া ৰাষ্ট্ৰ গঠনৰ দাবীৰ তেওঁ আছিল মুখ্য প্ৰবক্তা।
➡ ১৯১৭ চনৰ ৯ নৱেম্বৰত ঐতিহাসিক অক্টোবৰ বিপ্লৱৰ অন্তত ৰাছিয়াত শ্ৰমিক-কৃষকৰ প্ৰথমখন চৰকাৰ গঠন হৈছিল। লেনিন নৱগঠিত চৰকাৰৰ মুৰব্বী হৈছিল।
➡ জাৰ্মানীক প্ৰজাতন্ত্ৰ ৰূপে ঘোষণা কৰা হৈছিল ১৯১৭ চনৰ আজিৰ দিনটোতে।
➡ ১৯২৯ চনৰ ৯ নৱেম্বৰত হাংগেৰীৰ ঐপন্যাসিক ইমৰে কাৰ্টেজৰ জন্ম হৈছিল। ২০০২ চনত তেওঁ লাভ কৰিছিল সাহিত্যৰ নোবেল বঁটা।
➡ ১৯৮৮ চনৰ আজিৰ দিনটোতে জৰ্জ বুশ্ব আমেৰিকাৰ ৰাষ্ট্ৰপতি হৈছিল।
➡ উত্তৰ প্ৰদেশৰ অযোধ্যাত ৰাজীৱ গান্ধীৰ দ্বাৰা ৰাম মন্দিৰৰ আধাৰশিলা স্থাপন কৰা হৈছিল ১৯৮৯ চনৰ ৯ নৱেম্বৰত।
➡ ১৯৯০ চনৰ আজিৰ দিনটোতে নেপালৰ ৰজা বীৰেন্দ্ৰ বীৰ বিক্ৰম শ্বাহদেৱৰ নতুন সংবিধান প্ৰৱৰ্তন কৰি দেশখনত দলহীন পঞ্চায়ত ব্যৱস্থাৰ অৱসান কৰিছিল।
➡ ১৯৯৮ চনৰ ৯ নৱেম্বৰত গুৱাহাটীত শ্ৰীমন্ত শংকৰদেৱ কলাক্ষেত্ৰ আনুষ্ঠানিকভাৱে মুকলি কৰা হৈছিল।
➡ উত্তৰ প্ৰদেশৰ মুখ্য মন্ত্ৰী পদৰ পৰা কল্যান সিঙক অপসাৰণ আৰু নতুন মুখ্যমন্ত্ৰী ৰামপ্ৰকাশ গুপ্তা হৈছিল ১৯৯৯ চনৰ ৯ নৱেম্বৰত।
➡ ২০০০ চনৰ আজিৰ দিনটোতে উত্তৰাঞ্চল (উত্তৰাখণ্ড) ৰাজ্য গঠন হৈছিল।
➡ ২০০১ চনৰ ৯ নৱেম্বৰত শ্বেয়াৰ কেলেংকাৰিত অভিযুক্ত হৰ্ষদ মেহতাক পুনৰ গ্ৰেপ্তাৰ কৰা হৈছিল।
➡ পুষ্পলতা দাসৰ মৃত্যু হৈছিল ২০০৩ চনৰ আজিৰ দিনটোতে।
➡ ২০০৫ চনৰ ৯ নৱেম্বৰত দেশৰ সপ্তমগৰাকী ৰাষ্ট্ৰপতি কে আৰ নাৰায়ণৰ মৃত্যু হৈছিল।।
