টকিঅ’ত অলিম্পিকৰ বৰ্ণাঢ্য সামৰণি অনুষ্ঠান

আৰম্ভ হ’ল টকিঅ’ অলিম্পিকৰ সামৰণি অনুষ্ঠান।ভাৰতীয় সময়মতে বিয়লি ৪:৩০ বজাৰ পৰা আৰম্ভ হোৱা বৰ্ণাঢ্য সামৰণি অনুষ্ঠানটি নিশা ৭ বজালৈ চলিব। অলিম্পিকৰ ইতিহাসত এটা স্বৰ্ণ সহ মুঠ ৭ টা পদকেৰে এইবেলি ভাৰতে সৰ্বশ্ৰেষ্ঠ প্ৰদৰ্শন সাব্যস্ত কৰিবলৈ সক্ষম হয়।ইয়াৰে দুটা ৰূপৰ আৰু চাৰিটা ব্ৰঞ্জৰ পদক। মণিপুৰৰ মীৰাবাঈ চানুৰ ৰূপৰ পদক আৰু অসম কণ্যা লাভলীনাৰ ব্ৰঞ্জৰ পদক সহ উত্তৰ-পূৰ্বাঞ্চলে এইবেলি দেশৰ হৈ দুটাকৈ অলিম্পিক পদক জয় কৰি ইতিহাস ৰচিবলৈ সক্ষম হয়।

ইফালে টকিঅ’ অলিম্পিকৰ অন্তিম দিনটোত ৩ টাকৈ স্বৰ্ণ জিনি মাৰ্কিন যুক্তৰাষ্ট্ৰই মুঠ ৩৯ টা সোনৰ পদকেৰে চীনক চেৰাই তালিকাৰ শীৰ্ষস্থান দখল কৰিবলৈ সক্ষম হয়।দ্বিতীয় স্থানত থকা চীনে লাভ কৰে মুঠ ৩৮ টা স্বৰ্ণ পদক।।