দুটাকৈ ভয়ংকৰ ভূমিকম্পই কঁপালে নেপাল। বৃহস্পতিবাৰে পুৱা নেপালত সংঘটিত হয় ৪.১ আৰু ৪.৯ প্ৰাবল্যৰ দুটা ভূমিকম্প। খৱৰটো সদৰি কৰে ৰাষ্ট্ৰীয় ভূকম্পন কেন্দ্ৰই । নেপালৰ কাস্কি জিলা আৰু ইয়াৰ আশে-পাশে থকা অঞ্চলত পুৱা প্ৰায় ৩:৫৬ বজাত ৪.৯ প্ৰাবল্যৰ প্ৰথমটো ভূমিকম্প সংঘটিত হৈছিল। ভূমিকম্পটোৰ কেন্দ্ৰস্থল কাস্কি জিলাৰ মাচাপুৰছাৰে গ্ৰাম্য পৌৰসভা-৭ৰ ধাম্পুছত । ভূমিকম্পৰ শ্বকৱেভ বাগলুং, পাৰবাট, মিয়াগদি আৰু তানাহুন জিলাতো অনুভৱ কৰা হৈছিল। আনহাতে ৭:২২ বজাত পুনৰ সংঘটিত হয় দ্বিতীয়টো ভূমিকম্প। ৰিখটাৰ স্কেল ৪.১ প্ৰাৱল্যত সংঘটিত হোৱা এই ভূমিকম্পটোৰ কেন্দ্ৰস্থল গোৰ্খা জিলাৰ থুমি। এই পৰ্যন্ত ক্ষতি বা হতাহতৰ কোনো খবৰ পোৱা হোৱা নাই।
