বিশ্ব বেডমিন্টনত দেশৰ ইতিহাস!

ভাৰতীয় শ্বাটলাৰ কিদাম্বি শ্ৰীকান্তৰ ইতিহাস সৃষ্টি । বিশ্ব বেডমিণ্টন চেম্পিয়নশ্বিপৰ ফাইনেলত প্ৰৱেশ কৰা দেশৰ প্ৰথমজন বেডমিণ্টন খেলুৱৈ হিচাপে পৰিগণিত হ’ল কিদাম্বি শ্ৰীকান্ত । স্পেইনৰ হুলৱাত চলি থকা বিশ্ব চেম্পিয়নশ্বিপৰ ছেমি ফাইনেলত তেওঁ এক ঘণ্টা আঠ মিনিটৰ খেলখনত নিজ দেশৰে লক্ষ্য সেনক ১৭-২১, ২১-১৪ আৰু ২১-১৭ ত পৰাস্ত কৰে।

উল্লেখ্য যে, প্ৰথমবাৰৰ বাবে ভাৰতীয় পুৰুষ খেলুৱৈসকলে দুটা পদক লৈ চেম্পিয়নশ্বিপৰ পৰা উভতি আহিব। প্ৰথমবাৰৰ বাবে বিশ্ব চেম্পিয়নশ্বিপত অংশগ্ৰহণ কৰা লক্ষ্য সেনে ইতিমধ্যে ব্ৰঞ্জৰ পদক লাভ কৰিছে।।