মালয়েছিয়াৰ নতুন প্ৰধানমন্ত্ৰী

ইন্টাৰনেচনেল ডেস্ক-

মালয়েছিয়াৰ নৃপতিয়ে শুকুৰবাৰে ইছমাইল চাব্ৰি য়াকুবক মুহিদ্দিন য়াছিনৰ ঠাইত দেশখনৰ প্ৰধানমন্ত্ৰী হিচাপে নিযুক্তি দিয়ে। মুহিদ্দিন য়াছিনে তেওঁৰ সংসদীয় সংখ্যাগৰিষ্ঠতা হেৰুৱাই এই সপ্তাহত পদত্যাগ কৰে।

ইছমাইল চাব্ৰিয়ে দক্ষিণ-পূব এছিয়াৰ ৰাষ্ট্ৰখনে কোভিড-১৯ ৰ সংক্ৰমণ বৃদ্ধি আৰু অৰ্থনৈতিক মন্দাৱস্থাৰ সৈতে যুঁজি থকাৰ সময়ত প্ৰধান মন্ত্ৰী হিচাপে দায়িত্ব গ্ৰহণ কৰে। উল্লেখ্য যে শনিবাৰে ইছমাইল চাব্ৰি য়াকুবে মালয়েছিয়াৰ প্ৰধান মন্ত্ৰী হিচাপে শপত গ্ৰহণ কৰিব।।