নিউজ ডেস্ক-
উত্তৰ ছিকিমত ভাৰত আৰু চীনা সৈন্যই অঞ্চলটোত প্ৰকৃত নিয়ন্ত্ৰণ ৰেখাৰ সৈতে আত্মবিশ্বাস বৃদ্ধি কৰিবলৈ দুয়োটা সৈন্যৰ মাজত যোগাযোগৰ বাবে এটা হট লাইন স্থাপন কৰিছে।
এই হট লাইনটো ভাৰতীয় সেনাই উত্তৰ ছিকিমৰ কংৰা লাত আৰু তিব্বতীয় স্বায়ত্তশাসিত অঞ্চলৰ খাম্বা ডজঙত চীনৰ পিপলছ লিবাৰেচন আৰ্মী (পিএলএ)এ স্থাপন কৰিছে। সীমান্তত বিশ্বাস আৰু সৌহাৰ্দ্যপূৰ্ণ সম্পৰ্কৰ মনোভাৱ বৃদ্ধিৰ বাবে হট লাইনৰ ব্যৱস্থা কৰা বুলি সেনাৰ শীৰ্ষ বিষয়াই সদৰি কৰিছে।
হট লাইনৰ উদ্বোধনত দুয়োপক্ষৰ গ্ৰাউণ্ড কমাণ্ডাৰসকলে অংশগ্ৰহণ কৰিছিল,য’ত বন্ধুত্ব আৰু সম্প্ৰীতিৰ বাৰ্তা বিনিময় কৰা হৈছিল বুলি সেনাই জানিবলৈ দিছে।।
