নিউজ ডেস্ক, ৫ ছেপ্তেম্বৰঃ বীৰ লাচিত সেনাৰ নেতা মানসজ্যোতি চেতিয়াৰ আকস্মিক মৃত্যুৰ পাছত এই দুৰ্ঘটনাটোক লৈ বিভিন্ন প্ৰশ্নৰ অৱতাৰণা হৈ থকাৰ সময়ত নেতাগৰাকীয়ে আধৰুৱাকৈ এৰি যোৱা বহু কামক লৈ বহু লোক উদ্বিগ্ন হৈ পৰিছিল। জলপ্ৰলয়ে সংহাৰী ৰূপ ধাৰণ কৰি উজনিৰ বহু স্থানত বহু লোকক গৃহহীন কৰে।
উল্লেখ্য যে স্বেচ্ছাসেৱী সংগঠন ‘পথিক’ৰ সহযোগত মানসজ্যোতি চেতিয়াই টেঙাপুখুৰী আৰু নাজিৰা অঞ্চলৰ গৃহহীন বন্যাৰ্তৰ বাবে বহুকেইটা ঘৰ নিৰ্মাণৰ কাম আৰম্ভ কৰিছিল। টেঙাপুখুৰী লাহন গাঁৱৰ দুলু চাংমাই নামৰ লোকজনৰ ঘৰটোও মানসজ্যোতিয়ে ‘পথিক’ৰ সহযোগত নিৰ্মাণ আৰম্ভ কৰিছিল। কিন্তু গৃহনিৰ্মাণৰ কাম আৰম্ভ কৰাৰ দুটা দিনৰ পাছতে বীৰ লাচিত সেনাৰ নেতাগৰাকীৰ ৰহস্যজনকভাৱে মৃত্যু ঘটে।
Related Posts
