আজি দিল্লীত দেশৰ প্ৰথমজন চিফ অৱ ডিফেঞ্চ ষ্টাফ (চিডিএছ) জেনেৰেল বিপিন ৰাৱাটৰ সম্পন্ন হ’ব অন্ত্যেষ্টিক্ৰিয়া। জেনেৰেল ৰাৱটৰ বাসগৃহৰ পৰা ব্ৰাৰ স্কোৱেৰ শ্মশানলৈ অন্তিম যাত্ৰা আৰম্ভ হ’ব দুপৰীয়া ২ বজাত। আবেলি ৪ বজাত নিৰ্ধাৰণ কৰা হৈছে অন্ত্যেষ্টিক্ৰিয়াৰ সময়। সামৰিক মৰ্যদাৰে সম্পন্ন হ’ব অন্ত্যেষ্টিক্ৰিয়া।
উল্লেখ্য যে, বুধবাৰে আবেলি তামিলনাডুৰ নীলগিৰিজিলাৰ কুনুৰৰ ওচৰত চুলুৰ বিমান ঘাটিৰ পৰা ৱেলিংটনলৈ যাত্ৰা কৰি থকা আইএএফৰ এখন হেলিকপ্টাৰ দুৰ্ঘটনাগ্ৰস্ত হোৱাৰ ফলত ভাৰতৰ প্ৰথম চিডিএছ জেনেৰেল ৰাৱাট, তেওঁৰ পত্নী মধুলিকা ৰাৱাট সহ ১৩ জন প্ৰতিৰক্ষা কৰ্মীয়ে প্ৰাণ হেৰুৱাইছিল।।
