ইণ্টাৰনেচনেল ডেস্ক:
চীনৰ দক্ষিণ-পূব গুৱাংডং প্ৰদেশত ভয়ংকৰ ঘটনা।প্ৰদেশখনৰ লিয়ানজিয়াং চহৰৰ এখন কিণ্ডাৰগাৰ্টেনত কোনো দুৰ্বৃত্তৰ ছুৰীৰ আক্ৰমণত নিহত হয় তিনিটি শিশুসহ ৬ গৰাকী লোক। মৃত সকলৰ ভিতৰত এগৰাকী শিক্ষক আৰু দুগৰাকী অভিভাৱক আছিল। আনহাতে আক্ৰমণত গুৰুতৰভাৱে আহত হয় আন এগৰাকী লোক।
জানিব পৰা মতে, স্থানীয় সময় অনুসৰি সোমবাৰে পুৱা ৭:৪০ বজাত সংঘটিত হয় এই ঘটনা। ঘটনা সন্দৰ্ভত আৰক্ষীয়ে গ্ৰেপ্তাৰ কৰে ৱু উপাধিৰ এজন ২৫ বছৰীয়া যুৱকক। ঘটনাটোৰ পিছতে অঞ্চলটো সাধাৰণ লোকৰ বাবে বন্ধ কৰি দিয়া হৈছে।।
