নেচনেল ডেস্ক:
জম্মু-কাশ্মীৰত নিৰাপত্তা বাহিনীৰ বৃহৎ সফলতা। শনিবাৰে নিৰাপত্তা বাহিনী আৰু জম্মু-কাশ্মীৰ আৰক্ষীৰ যৌথ অভিযানত কাশ্মীৰৰ ছ’পুৰ অঞ্চলৰ পৰা গ্ৰেপ্তাৰ নিষিদ্ধ সন্ত্ৰাসবাদী সংগঠন লস্কৰ-ই-তৈবা (এল ই টি)ৰ এটা হাইব্ৰিড সন্ত্ৰাসবাদী। ধৃত সন্ত্ৰাসবাদী ছাকিব চাকিল দাৰ বুলি জানিব পৰা গৈছে।ছ’পুৰ-কুপোৱাৰা পথত আটক কৰে হাইব্ৰিড সন্ত্ৰাসবাদীটো । ধৃত লস্কৰ সন্ত্ৰাসবাদীটোৱে নিৰাপত্তা বাহিনী আৰু সাধাৰণ নাগৰিকৰ ওপৰত আক্ৰমণ সংঘটিত কৰাৰ পৰিকল্পনা কৰিছিল বুলি আৰক্ষীয়ে সদৰি কৰিছে। ধৃত ছাকিব ছাকিল দাৰৰ পৰা উদ্ধাৰ হৈছে এটা পিষ্টল, এটা মেগজিন আৰু ৮ টা পিষ্টলৰ গুলী।।
