গুৱাহাটী, ১৮ জুলাই- গুৱাহাটীৰ পল্টনবজাৰস্থিত কেশৱ ধামৰ শংকৰদেৱ সভাগৃহত আজি পূৰ্ব্বোত্তৰ ভাৰত অধ্যয়ন সমূহৰ উদ্যোগত তথা বৈচাৰিক প্ৰবোধন কৰ্মশালাৰ লগত সংগতি ৰাখি এখনি বিশেষ বক্তৃতা অনুষ্ঠান অনুষ্ঠিত হয় ৷ ” পৰম পূজনীয় ডাঃ কেশৱ বলিৰাম হেডগেৱাৰ – সংঘ কাৰ্যৰ শতিকা ব্যাপী অনুপ্ৰেৰণা ” শীৰ্ষক মূল বিষয় হিচাপে লৈ অনুষ্ঠিত হোৱা বক্তৃতা অনুষ্ঠানখনত সমল ব্যক্তি হিচাপে উপস্থিত থাকে ৰাজ্যসভাৰ প্ৰাক্তন সাংসদ তথা “আণ্ডাৰষ্টেণ্ডিং আৰ.এছ.এছ. (Understanding RSS) আৰু “ড° কে.বি. হেডগেৱাৰ” (Dr KB Hedgewar) গ্ৰন্থৰ লেখক চিন্তাবিদ ,অধ্যাপক ৰাকেশ সিনহা ৷
উত্তৰ অসম প্ৰান্তৰ প্ৰচাৰ প্ৰমুখ কিশোৰ শিৱমে আঁত ধৰা অনুষ্ঠানটিত সমল ব্যক্তি অধ্যাপক ৰাকেশ সিনহাই বক্তব্যত ডাঃ হেডগেৱাৰ জীৰ জীৱন আৰু কৃতি বিভিন্ন দিশ সম্পৰ্কে তাৎপৰ্যপূৰ্ণ আলোকপাত কৰে ৷ বিশেষকৈ ৰাষ্ট্ৰীয় স্বয়ংসেৱক সংঘৰ প্ৰতিষ্ঠাতা ডাঃ কেশৱ বলিৰাম হেডগেৱাৰৰ সাংগঠনিক বৈশিষ্ট্য ই কেনেদৰে ৰাস্ট্ৰীয় স্বয়ংসেৱক সংঘক একক আৰু অণন্য ৰূপত বিগত সময়ছোৱাত সামাজিক প্ৰেক্ষাপটত প্ৰাংসগিক কৰি ৰখা সন্দৰ্ভত আলোকপাত কৰে ৷ ডা: হেডগেৱাৰ ব্যক্তিবাদৰ বিৰোধী আছিল। সংঘত কেতিয়াও দুই বৰ্গৰ উপস্থিতি নাই। যিয়ে কেৱল ব্যক্তি সমানতাৰ ওপৰত গুৰুত্ব আৰোপ কৰে৷ তেওঁ এগৰাকী প্ৰয়োগধৰ্মী ব্যক্তি আছিলে তেওঁৰ প্ৰতিটো সাংগঠনিক প্ৰয়োগ মানৱ কল্যাণৰ নিমিত্তে আছিল বুলি সিনহাই মন্তব্য কৰে ৷
তদুপৰি তেখেতে উল্লেখ কৰে যে – ৰাষ্ট্ৰীয় স্বয়ংসেৱক সংঘই কেতিয়াও সূৰ্যাস্ত নেদেখে৷ সংঘ সদায় সূৰ্যোদয়ৰ লগতেই বিৰাজমান৷ সমান্তৰাল ভাৱে সংঘই কেতিয়াও বৃদ্ধাৱস্থা নেদেখে সংঘ সদায় চিৰতৰুণ।আনহাতে, শাসক আৰু সংঘ সদায় পৃথক বুলি উল্লেখ কৰি সিনহাই সংঘৰ বিচাৰ শাসকৰ শ্ৰতলিপি মতে নচলে বুলি গুৰুত্বপূৰ্ণ মন্তব্য কৰে ৷ শতাধিক বিশিষ্ট ব্যক্তি উপস্থিত থকা গাম্ভীৰ্যপূৰ্ণ বক্তৃতা অনুষ্ঠানটিৰ সামৰণিত গুৱাহাটী বিশ্ববিদ্যালয়ৰ পদাৰ্থ বিজ্ঞান বিভাগৰ মুৰব্বী অধ্যাপিকা কল্পনা বৰাই শলাগৰ শৰাই আগবঢ়ায়৷
