নিউজ ডেস্ক
অহা ২৮ মে’অৰ্থাৎ দেওবাৰে প্ৰধানমন্ত্ৰী নৰেন্দ্ৰ মোদীয়ে উদ্বোধন কৰিব নতুন সংসদ ভৱন । এই উদ্বোধনী অনুষ্ঠানত সংসদ ভৱনৰ উৎকৃষ্ট কৃতি প্ৰদৰ্শন কৰা হ’ব আৰু বহুতো আকৰ্ষণৰ ভিতৰত থাকিব ‘চেংগল’ নামৰ এক আনুষ্ঠানিক ৰাজদণ্ড। এই নতুন সংসদ ভৱনটো প্ৰায় ৯৭১ কোটি টকা ব্যয়েৰে নিৰ্মিত হৈছে। কেন্দ্ৰীয় ভিষ্টা পুনৰ্বিকাশ প্ৰকল্পৰ ৱেবছাইট অনুসৰি, এই ভৱনটো ভাৰতৰ প্ৰগতিৰ প্ৰতীক । এই ভৱনটো ত্ৰিভুজাকাৰ আকৃতিত নিৰ্মাণ কৰা হৈছে যাতে ইয়াক নিৰ্মাণ কৰোতে নিম্নতম স্থানহে ব্যৱহাৰ হয়। নতুন ভৱনটোত এটা ডাঙৰ আইনী কক্ষ থাকিব। ভাৰতৰ ৰাষ্ট্ৰীয় চৰাই ময়ূৰৰ ওপৰত আধাৰিত কৰি নতুন সংসদ ভৱনৰ লোকসভাত ৮৮৮খন আসনৰ ব্যৱস্থা কৰা হৈছে। আনহাতে, ৰাজ্যসভাত ৩৪৮ খন আসনৰ ব্যৱস্থা কৰা হৈছে, যাক থীম পদুমৰ বিষয়বস্তুৰ ওপৰত আধাৰিত কৰি ৰখা হৈছে। আনহাতে লোকসভা হলত যুটীয়া অধিৱেশনৰ বাবে ১,২৭২ খন আসন থাকিব।।