নেচনেল ডেস্ক :
পুনেত ৬ টা বেগত উদ্ধাৰ ৩ কোটি টকা সহ এটা টকা গণনা কৰা মেচিন। পুনেৰ হাদাপছাৰ অঞ্চলৰ পুনে-সোলাপুৰ ঘাইপথৰ অংগুৰ গৱেষণা কেন্দ্ৰৰ সমীপত এখন গাড়ীৰ পৰা উদ্ধাৰ হয় বৃহৎ পৰিমাণৰ নগদ ধনখিনি। আৰক্ষীয়ে গাড়ী চালক প্ৰশান্ত ধনপাল গান্ধীক আটক কৰিবলৈ সক্ষম হয় ।
আৰক্ষীৰ তথ্য অনুসৰি, সোমবাৰে গভীৰ নিশা আৰক্ষীৰ এটা দলে হাদাপছাৰৰ পুনে-সোলাপুৰ ঘাইপথৰ আংগুৰ গৱেষণা কেন্দ্ৰৰ সমীপত বাহনসমূহৰ তালাচী চলাই থকাৰ সময়তে এখন ব্ৰিজা গাড়ীৰ পৰা মুঠ ৩ কোটি ৪২ লাখ ৬৬ হাজাৰ ২২০ টকা থকা ৬ টা বেগ উদ্ধাৰ কৰিবলৈ সক্ষম হয় । সম্প্ৰতি আয়কৰ বিভাগৰ দলে তদন্ত অব্যাহত ৰাখিছে।
অভিযুক্ত প্ৰশান্ত ধনপাল গান্ধীয়ে বৃহৎ পৰিমাণৰ ধন খিনি ক’ৰ পৰা আনিছিল আৰু ক’লৈ লৈ গৈ আছিল সেয়া তদন্তৰ পাছতহে পোহৰলৈ আহিব।।
