ইণ্টাৰনেচনেল ডেস্ক:
মালিত আত্মঘাতী বোমাৰুৰ ভয়ংকৰ আক্ৰমণ। শনিবাৰে মালিৰ মধ্য চহৰ চেভাৰেত সংঘটিত হয় এই আত্মঘাতী বোমা আক্ৰমণ । তিনিটাকৈ আত্মঘাতী বোমা বিস্ফোৰণৰ ফলত কমেও ৯ গৰাকী লোক নিহত হোৱাৰ বিপৰীতে আহত হয় ৬০ গৰাকীতকৈ অধিক লোক । জানিব পৰা মতে, প্ৰায় তিনি ঘণ্টা ধৰি চলিছিল এই আক্ৰমণ । ইতিমধ্যে মালিৰ সেনাই অঞ্চলটো পুনৰ নিজৰ নিয়ন্ত্ৰণলৈ আনিছে।
জানিব পৰা মতে, বিস্ফোৰণত নিহত আৰু আহত হোৱা সকলোৱেই আছিল সাধাৰণ নাগৰিক। এতিয়ালৈকে এই আক্ৰমণৰ দায়িত্ব স্বীকাৰ কোনেও কৰা নাই।।
