নেচনেল ডেস্ক:
পঞ্জাৱৰ ভাৰত-পাকিস্তান সীমান্তত পুনৰ বৃহৎ পৰিমানৰ হেৰ’ইন উদ্ধাৰ। শুকুৰবাৰে আৰক্ষীয়ে পঞ্জাৱৰ টাৰ্ণ তৰণ জিলাৰ ভাৰত-পাকিস্তান সীমান্তৰ সমীপৰ এখন পথাৰত উদ্ধাৰ কৰে আধুনিক প্ৰযুক্তি সজ্জিত হেক্সাকপ্টাৰ ড্ৰ’নসহ ৫ কিলোগ্ৰাম ওজনৰ হেৰ’ইনযুক্ত পেকেট। সীমান্ত নিৰাপত্তা বাহিনীৰ সৈতে যৌথ অনুসন্ধান অভিযানত টাৰ্ণ তৰণ আৰক্ষীয়ে উদ্ধাৰ কৰে হেক্সাকপ্টাৰ ড্ৰ’নখন। খৱৰটো টুইটযোগে সদৰি কৰে পঞ্জাৱৰ আৰক্ষী সঞ্চালক প্ৰধানে।।
