আজি বছৰৰ আটাইতকৈ দীঘল দিন।
আজি বিশ্ব সংগীত দিৱস।
আজি আন্তৰ্জাতিক যোগ দিৱস
১৭৫৬ চনত ব্ৰিটিছ সেনাৰ কমাণ্ডাৰ হলৱেলৰ ছিৰাজোদ্দৌল্লাৰ ওচৰত আত্মসমর্পণ। সেইদিনাই ৰাতি ১২৩জন ব্রিটিছ যুদ্ধবন্ধী অন্ধকূপত নিহত হয়।
১৯০৫ চনত ফৰাচী লেখক, দার্শনিক জাঁ পল ছাত্ৰেৰ জন্ম। ১৯৬৪ চনত ছাত্রেলৈ নোবেল বঁটা আগবঢ়োৱা হৈছিল যদিও তেওঁ সেই বঁটা প্রত্যাখ্যান কৰে।
১৯৩২ চনত ভাৰতীয় অভিনেত্ৰী নিগাৰ চুলতানাৰ জন্ম।
১৯৪৮ চনত চক্ৰৱৰ্তী ৰাজা গোপালাচাৰীৰ ভাৰতৰ গৱৰ্নৰ জেনেৰেলৰূপে কাৰ্যভাৰ গ্ৰহণ। ৰাজা গোপালাচাৰী আছিল প্রথম তথা একমাত্র ভাৰতীয় গৱৰ্নৰ জেনেৰেল।
১৯৯০ চনত ইৰানত প্রবল ভূমিকম্প, প্রায় ৪০,০০০ লোকৰ মৃত্যু।
১৯৯১ চনত বার্লিন সংযুক্ত জার্মানীৰ নতুন ৰাজধানী।
* ভাৰতৰ নৱম প্ৰধান মন্ত্ৰী ৰূপে পি ভি নৰসিংহ ৰাওৰ (সম্পূর্ণ নাম পামুলাপার্টি ভেংকট নৰসিংহ ৰাও) কাৰ্যভাৰ গ্রহণ। ১৯৯৬ চনৰ ২৬ মে’লৈকে তেওঁ ভাৰতৰ প্ৰধান মন্ত্রী ৰূপে কাৰ্যনিৰ্বাহ কৰে।
১৯৯৯ চনত শিক্ষাবিদ, প্রাক্তন সাংসদ পৰাগধৰ চলিহাৰ মৃত্যু।
২০০১ চনত নতুন সহস্রাব্দৰ প্ৰথমটো সূর্যগ্রহণ, এংগোলাৰ পৰা দৃশ্যমান।
২০০৪ গুৱাহাটীত অনলাইন চাহ নিলাম আৰম্ভ।
