উত্তৰ-পূৰ্বাঞ্চলৰ বাবে নতুন দিগন্ত
অসমৰ লগতে সমগ্ৰ উত্তৰ-পূৰ্বাঞ্চলৰ বাবে এক সুখবৰ। এয়াৰ ইণ্ডিয়া এক্সপ্ৰেছে গুৱাহাটীৰ পৰা সংযুক্ত আৰব আমিৰশ্বাহীৰ (UAE) ডুবাই আৰু আবু ধাবিলৈ পোনপটীয়া আন্তঃৰাষ্ট্ৰীয় বিমান সেৱা আৰম্ভ কৰাৰ ঘোষণা কৰিছে। এই নতুন সেৱাই উত্তৰ-পূৰ্বাঞ্চল আৰু উপসাগৰীয় দেশসমূহৰ মাজৰ বিমান যোগাযোগ অধিক শক্তিশালী কৰি তুলিব।
ঘোষণা অনুসৰি, ৪ আগষ্টৰ পৰা গুৱাহাটী–ডুবাই আৰু ৭ আগষ্টৰ পৰা গুৱাহাটী–আবু ধাবিৰ মাজত নন-ষ্টপ বিমান চলাচল আৰম্ভ হ’ব। নতুন বিমান সেৱাৰ জৰিয়তে পৰ্যটক, ব্যৱসায়ী, শিক্ষাৰ্থী আৰু ইউএইত বসবাস কৰা বৃহৎ ভাৰতীয় প্ৰবাসী সমাজ বিশেষভাৱে উপকৃত হ’ব। অসমৰ লগতে উত্তৰ-পূৰ্বাঞ্চলৰ যাত্ৰীসকলে এতিয়া সময় ৰাহি কৰি পোনপটীয়াকৈ ইউএইলৈ যাত্ৰা কৰাৰ সুবিধা লাভ কৰিব।
https://adtu.in/এই পদক্ষেপে পৰ্যটন, বাণিজ্য, বিনিয়োগ আৰু ভাৰত-ইউএইৰ জনসাধাৰণৰ মাজৰ পাৰস্পৰিক সম্পৰ্ক অধিক সুদৃঢ় কৰাৰ লগতে উত্তৰ-পূৰ্বাঞ্চলৰ আন্তঃৰাষ্ট্ৰীয় সংযোগ সম্প্ৰসাৰণতো গুৰুত্বপূৰ্ণ ভূমিকা পালন কৰিব বুলি আশা প্ৰকাশ কৰা হৈছে।
