নতুন দিল্লী, ৩১ অক্টোবৰঃ পুনৰ বিবাহপাশত আবদ্ধ হ’ল জম্মু-কাশ্মীৰৰ মুখ্যমন্ত্ৰী ওমৰ আব্দুল্লা। সাংবাদিক তথা এনডিটিভিৰ প্ৰাক্তন সংবাদ পৰিৱেশিকা নিধি ৰাজদানৰ সৈতে বিবাহপাশত আবদ্ধ হৈছে মুখ্যমন্ত্ৰীগৰাকী। শনিবাৰে সামাজিক মাধ্যমত দুয়োৰে একেলগে থকা কেইবাখনো ফটো প্ৰকাশ কৰি বিবাহৰ কথা ৰাজহুৱা কৰে ওমৰ আব্দুল্লাই।
নিজৰ সামাজিক মাধ্যমৰ পোষ্টত ওমৰ আব্দুল্লাই লিখে, “কালিৰ পৰা আৰম্ভ হ’ল এক নতুন যাত্ৰা।” ৩০ অক্টোবৰত বিবাহ সম্পন্ন হোৱাৰ কথা বিভিন্ন সংবাদ মাধ্যমৰ প্ৰতিবেদনত প্ৰকাশ পাইছে। বিশেষ বিবাহ আইনৰ অধীনত বিবাহ সম্পন্ন হোৱা বুলি সূত্ৰৰ উদ্ধৃতি দি প্ৰকাশ কৰিছে সংবাদ মাধ্যমসমূহে।
আনহাতে, নিধি ৰাজদান এগৰাকী পৰিচিত সাংবাদিক আৰু প্ৰাক্তন টেলিভিছন সংবাদ পৰিৱেশিকা। তেওঁৰ সৈতে ওমৰ আব্দুল্লাৰ সম্পৰ্কক লৈ পূৰ্বৰে পৰা চৰ্চা চলি আহিছিল।
ওমৰ আব্দুল্লাৰ এই বিবাহৰ খবৰে ৰাজনৈতিক আৰু সংবাদ মহলত বিশেষ চৰ্চা লাভ কৰিছে।
