লাহৰিজানত আঢ়ৈ কোটিৰ ড্ৰাগছ সহ ধৃত ১

ব্যুৰ’ ৰিপৰ্ট, এন ই ভাৰত-

বোকাজানৰ লাহৰিজানত পুনৰ বিপুল পৰিমাণৰ ড্ৰাগছ সহ এজনক গ্ৰেপ্তাৰ। আজি নিশা প্ৰায় ৯ বজাত লাহৰিজান আৰক্ষী চকীৰ সমুখৰ নাকা চেকিঙত মনিপুৰৰ পৰা গুৱাহাটী অভিমুখী MN-06B-1341 নম্বৰৰ বাছখনৰ পৰা ২৭ টা চাবোনৰ বাকচত ভৰাই অনা ৩৩৯.১৬ গ্ৰাম হেৰ’ইন উদ্ধাৰ কৰা হয়।উদ্ধাৰ হোৱা হেৰ’ইন খিনিৰ বজাৰ মূল্য প্ৰায় ২ কোটি ৫০ লাখ টকা বুলি জানিব পৰা গৈছে।এই বৃহৎ পৰিমাণৰ ড্ৰাগছৰ সৈতে মনিপুৰৰ বিষ্ণুপুৰৰ মহম্মদ আজাদ খান নামৰ এটা সৰবৰাহকাৰীক আটক কৰি আৰক্ষীয়ে তদন্ত অব্যাহত ৰাখিছে।।