পুনৰ এনফ’ৰৰ্চমেণ্ট ডিৰেক্টৰেট(ই ডি)ৰ অভিযান। শুকুৰবাৰে দিল্লীৰ আবকাৰী নীতি ২০২১-২২ সম্পৰ্কীয় গোচৰত ইডিয়ে পুনৰ অভিযান চলাই দিল্লী-এনচিআৰ, পঞ্জাৱ আৰু হায়দৰাবাদৰ ৩৫টা কৈ স্থানত । এই পৰ্যন্ত ইডিয়ে চলালে ১০৩ টাৰো অধিক অভিযান । যোৱা মাহত এই গোচৰত গ্ৰেপ্তাৰ কৰিছিল সুৰা প্ৰস্তুতকাৰী কোম্পানী ইণ্ডোস্পিৰিটৰ পৰিচালন সঞ্চালক সমীৰ মহন্দ্ৰুক।
দিল্লীৰ আবকাৰী নীতি ২০২১-২২ ৰূপায়ণৰ ক্ষেত্ৰত সংঘটিত হোৱা অনিয়মৰ সন্দৰ্ভত তদন্তৰ বাবে দিল্লীৰ লেফটেনেণ্ট গৱৰ্ণৰে কেন্দ্ৰীয় তদন্তকাৰী সংস্থা তথা চিবিআইক পৰামৰ্শ দিছিল। এই অভিযানকালত দুৰ্নীতিত নিমজ্জিত ১১ জন আবকাৰী বিষয়াকো ইতিমধ্যে নিলম্বন কৰা হৈছে।।
