সময়ৰ লগে লগে হাড়ৰ ঘনত্বৰ পৰিৱৰ্তন ঘটে। গোটেই শৈশৱ, কৈশোৰ আৰু আৰম্ভণিৰ প্ৰাপ্তবয়স্ক জীৱনত হাড়বোৰে পুষ্টি আৰু খনিজ পদাৰ্থ শোষণ কৰি শক্তি লাভ কৰে।কিন্তু এজন ব্যক্তিয়ে ২০ বছৰৰ শেষৰ ফালে ভৰি দিয়াৰ লগে লগে তেওঁলোকে হাড়ৰ ভৰৰ শিখৰত উপনীত হয়, অৰ্থাৎ তেওঁৰ হাড়ৰ ঘনত্ব আৰু বৃদ্ধি নহয়।মানুহৰ বয়স বাঢ়ি যোৱাৰ লগে লগে হাড়ৰ ঘনত্ব কমি যায় বিশেষকৈ ৰজোনিবৃত্তিৰ পিছত এজন ব্যক্তি অষ্টিঅ’পৰ’ছিছৰ প্ৰতি সহজলভ্য হৈ পৰে। অষ্টিঅ’পৰ’ছিছে হাড়বোৰ ইমানেই দুৰ্বল কৰি তুলিব পাৰে যে সহজে ভাঙিব পাৰে।
মজবুত হাড়ে আপোনাৰ শৰীৰৰ গঠন প্ৰদান কৰা, অংগসমূহক সুৰক্ষা দিয়া, পেশীসমূহক লংঘন কৰা আৰু কেলচিয়াম জমা কৰা আদিৰ দৰে বহু গুৰুত্ব ভূমিকা পালন কৰে। হাড়বোৰ সুস্থ কৰি ৰাখিবলৈ আপুনি কেইটামান সহজ পদক্ষেপ ল’ব পাৰে। উদাহৰণ স্বৰূপে:
১)খাদ্যত প্ৰচুৰ পৰিমাণে কেলচিয়াম অন্তৰ্ভুক্ত কৰকঃ কম কেলচিয়ামযুক্ত খাদ্যই হাড়ৰ ঘনত্ব হ্ৰাস, হাড়ৰ আগতীয়া ক্ষয় আৰু হাড় ভাঙি যোৱাৰ সম্ভাৱনা বৃদ্ধি কৰে। এনেধৰনৰ ৰোগ জনিত সমস্যা পৰা পৰিত্ৰাণ পাবলৈ কেলচিয়ামযুক্ত খাদ্য অত্যন্ত জৰুৰী। কেলচিয়ামৰ ভাল উৎস হ’ল দুগ্ধজাত সামগ্ৰী, আলমণ্ড, ব্ৰকলি, বন্ধাকবি, হাড়ৰ সৈতে টিনত ভৰোৱা ছালমন, চাৰ্ডিন আৰু সৰিয়হৰ সামগ্ৰী যেনে ট’ফু আদি।যদি আপুনি আপোনাৰ খাদ্যৰ পৰা পৰ্যাপ্ত পৰিমাণৰ কেলচিয়াম লাভ কৰাত অসুবিধা পায়, তেন্তে চিকিৎসকক পৰিপূৰক ঔষধৰ বিষয়ে সুধিব।
২)ভিটামিন ডিৰ প্ৰতি গুৰুত্ব দিয়কঃ কেলচিয়াম শোষণ কৰিবলৈ আপোনাৰ শৰীৰত যথেষ্ট ভিটামিন ডিৰ ও প্ৰয়োজন।ভিটামিন ডিৰ ভাল উৎস হ’ল তেলীয়া মাছ, যেনে ছালমন, ট্ৰাউট, বগা মাছ আৰু টুনা। ইয়াৰ উপৰিও কাঠফুলা জাতীয় ভেঁকুৰ উদ্ভিদ,কণী, গাখীৰ আৰু শস্যজাতীয় খাদ্য ভিটামিন ডিৰ ভাল উৎস। তাৰ উপৰিও সূৰ্যৰ পোহৰেও শৰীৰত ভিটামিন ডি উৎপাদনত এক বিষেশ অৰিহণা যোগায়।যদি আপুনি পৰ্যাপ্ত পৰিমাণৰ ভিটামিন ডি পোৱাৰ বাবে চিন্তিত তেন্তে পৰিপূৰক খাদ্যৰ বিষয়ে চিকিৎসকৰ পৰামৰ্শ ল’ব।
৩)দৈনন্দিন কাম-কাজত শাৰীৰিক কাৰ্য্যকলাপ অন্তৰ্ভুক্ত কৰকঃ নিয়মিতভাৱে ব্যায়াম কৰিলে হাড়ৰ ক্ষয়ৰ হাৰ হ্ৰাস পায় আৰু হাড় ভাঙি যোৱাৰ সম্ভাৱনা কম হয়।ওজন বহন কৰা ব্যায়াম যেনে খোজ কঢ়া, জগিং কৰা,চিৰি বগাই যোৱা আদিয়ে আপোনাক শক্তিশালী হাড় গঢ়ি তোলাত সহায় কৰিব । গতিকে, বিশেষজ্ঞৰ পৰামৰ্শৰ বাবে ফিজিঅ’থেৰাপিষ্ট বা ব্যায়ামৰ ফিজিঅ’লজিষ্টৰ ওচৰলৈ যোৱাতো উপযুক্ত।
৪)দ্ৰব্যৰ অপব্যৱহাৰৰ পৰা বিৰত থাককঃ ধূমপান নকৰিব।ধূমপানে হাওঁফাওঁৰ কৰ্কট ৰোগ আৰু শ্বাস-প্ৰশ্বাসৰ সমস্যাৰ লগতে অষ্টিঅ’পৰ’ছিছ সমস্যা বৃদ্ধি কৰে।সুস্থ হাড়ৰ ঘনত্বক সমৰ্থন কৰিবলৈ এজন ব্যক্তিয়ে বিশেষকৈ কিশোৰ আৰু ডেকা বয়সত ধূমপান এৰাই চলিব লাগে।