তিহাৰ জেলত কাৰাবন্দী হৈ থকা দিল্লীৰ মুখ্যমন্ত্ৰী অৰবিন্দ কেজৰিৱাল অসুস্থ। সোমবাৰে নিশা তিহাৰ জেলতে চুগাৰ লেভেল বৃদ্ধি হোৱাৰ ফলত কাৰাগাৰতে ইনচুলিন ল’বলগীয়া হয় কেজৰিৱালে। কেজৰিৱালৰ চুগাৰ লেভেল ৩২০ লৈ বৃদ্ধি পাইছে। দিল্লীৰ মুখ্যমন্ত্ৰীগৰাকীয়ে সোমবাৰে তিহাৰ কাৰাগাৰ প্ৰশাসনৰ বিৰুদ্ধে বাৰে বাৰে অনুৰোধ কৰাৰ পিছতো তেওঁক ইনচুলিন প্ৰদান নকৰাৰ অভিযোগ উত্থাপন কৰিছিল।
তিহাৰ কাৰাগাৰ প্ৰশাসনে অভিযোগ কৰা অনুসৰি AIIIMSৰ বিশেষজ্ঞসকলৰ সৈতে ভিডিঅ’ পৰামৰ্শৰ সময়ত কেজৰিৱালে ইনচুলিনৰ বিষয়টো বা ইয়াৰ প্ৰয়োজনীয়তাৰ কথা উত্থাপন কৰা নাছিল।
আদালতে AIIMSক কেজৰিৱালৰ চিকিৎসাৰ প্ৰয়োজনীয়তা মূল্যাঙ্কন কৰিবলৈ, বিশেষকৈ ইনচুলিনসম্পৰ্কে এখন চিকিৎসা পৰিষদ গঠন কৰিবলৈ নিৰ্দেশ দিছিল। ন্যায়ালয়ে দিল্লীৰ মুখ্যমন্ত্ৰীৰ আহাৰ প্ৰণালীৰ মাজৰ বিসংগতিৰ ওপৰত আলোকপাত কৰে য’ত ঘৰত ৰন্ধা খাদ্য আৰু চিকিৎসকৰ দ্বাৰা নিৰ্ধাৰিত আহাৰ অন্তৰ্ভুক্ত আছিল।
সোমবাৰে তিহাৰ কাৰাগাৰৰ অধীক্ষকলৈ লিখা এখন পত্ৰত কেজৰিৱালে কাৰাগাৰ প্ৰশাসনৰ দাবী নাকচ কৰি কয় যে বিগত ১০ দিনধৰি তেওঁ ইনচুলিনৰ বিষয়টো নিৰন্তৰভাৱে উত্থাপন কৰি আছিল।
আম আদমি পাৰ্টীয়ে অভিযোগ কৰিছে যে তিহাৰ প্ৰশাসনে কেজৰিৱালৰ পৰা ইনচুলিন আঁতৰাই ৰাখি, তেওঁৰ ক্ষতি কৰাৰ ষড়যন্ত্ৰৰ কৰিছিল।
দিল্লী চৰকাৰৰ এতিয়া বাতিল কৰা আবকাৰী নীতিৰ সৈতে সম্পৰ্কিত ধন ৰপ্তানিৰ গোচৰৰ সন্দৰ্ভত দিল্লীৰ মুখ্যমন্ত্ৰী অৰবিন্দ কেজৰিৱালক ২১ মাৰ্চত EDয়ে গ্ৰেপ্তাৰ কৰিছিল। বিগত ১ এপ্ৰিলৰ পৰা কেজৰিৱাল তিহাৰ কাৰাগাৰত বন্দী হৈ আছে। দিল্লী উচ্চ ন্যায়ালয়ে ১৫ মে’ত তদন্ত সংস্থাৰ দ্বাৰা তেওঁক জাৰি কৰা চমনক প্ৰত্যাহ্বান জনাই কেজৰিৱালৰ আবেদনৰ শুনানি ল’ব।