হৃদযন্ত্ৰ বিকল হ’লে হাওঁফাওঁ আৰু শৰীৰৰ অন্যান্য অংশলৈ পৰ্যাপ্ত পৰিমাণৰ তেজ প্ৰেৰণ কৰিবলৈ অক্ষম হয় । হৃদযন্ত্ৰৰ ক্ষতি হ’লে বা দুৰ্বল হ’লে শৰীৰৰ বাবে যিমান তেজ চলাচল কৰিব লাগে সিমান কৰিবলৈ নোৱাৰে।যেতিয়া এনেকুৱা হয় তেতিয়া প্ৰায়ে তেজ বেক আপ হয় আৰু হাওঁফাওঁত তৰল পদাৰ্থ জমা হৈ উশাহ লোৱাত কষ্ট হয়।কিছুমান হৃদযন্ত্ৰৰ অৱস্থাত ক্ৰমান্বয়ে হৃদযন্ত্ৰটো অতি দুৰ্বল বা জঠৰ হৈ পৰে।ইয়াৰ আঁৰত বহু কাৰণ থাকিব পাৰে। ক’ৰ’নাৰী হৃদৰোগ, হৃদস্পন্দন অনিয়মিত, প্ৰদাহ আৰু উচ্চ ৰক্তচাপ আদিৰ দৰে সমস্যাই হৃদযন্ত্ৰ বিকল কৰিব পাৰে ।
”Heart attack” ও হৃদযন্ত্ৰৰ বিকলতাৰ বাবে হয়, যাৰ বাবে হৃদযন্ত্ৰৰ পেশীৰ এটা বৃহৎ অংশ চিৰদিনৰ বাবে ক্ষতিগ্ৰস্ত হৈ পৰে। কিন্তু সঠিক চিকিৎসাই হৃদযন্ত্ৰৰ বিকলতাৰ লক্ষণসমূহ নিয়ন্ত্ৰণ কৰিব পাৰে।যদি আপোনাৰ হৃদযন্ত্ৰৰ বিকলতা আছে তেন্তে দেৰি নকৰিব অতি শীঘ্ৰ চিকিৎসা
পৰামৰ্শ লোৱা উচিত। হৃদৰোগত দেখা দিয়া লক্ষণসমূহৰ বিষয়েও জানো আহক-
১)বুকুৰ বিষ,উশাহ লোৱাত কষ্ট পোৱা।
২)পেটৰ অংশ ফুলা,ভৰি আৰু গোৰোহা ফুলা।
৩)হুমুনিয়াহ কাঢ়ি থকা, সঘনাই ক্লান্তি আৰু দুৰ্বলতা।
৪)ভোকৰ অভাৱ, বমি ,দ্ৰুত বা অনিয়মিত হৃদস্পন্দন।
৫)মনোযোগ দিবলৈ অসুবিধা বা সজাগতা হ্ৰাস।
প্ৰায়ভাগ ৰোগৰ দৰে হৃদযন্ত্ৰৰো প্ৰতিৰোধমূলক ব্যৱস্থা আছে, যিয়ে আপোনাৰ ৰোগৰ আশংকা হ্ৰাস কৰাত সহায় কৰিব পাৰে। হৃদৰোগৰ এনে অৱস্থাৰ বাবে কিছু পৰিমাণে খাদ্য প্ৰণালীৰ ওপৰতো গুৰুত্ব দিব লাগে। খাদ্য হৈছে জীয়াই থকাৰ সকলোতকৈ প্ৰয়োজনীয় চালিকা শক্তি। খাদ্যৰ বাবেই সকলো জীয়াই থাকে নাইবা জীয়াই থাকিবৰ বাবেই সকলোকে খাদ্যৰ প্ৰয়োজন হয়। হৃদযন্ত্ৰৰ সুস্বাস্থ্যৰ বাবে আপুনি তলত উল্লেখ কৰা পদক্ষেপসমূহ অনুসৰণ কৰিব পাৰেঃ
১) শাক-পাচলি আৰু ফল-মূল বেছিকৈ খাব লাগেঃ শাক-পাচলি আৰু ফল-মূলত প্ৰচুৰ পৰিমাণে ভিটামিন আৰু খনিজ পদাৰ্থ থাকে। আন উদ্ভিদ বা উদ্ভিদ ভিত্তিক খাদ্যৰ দৰে শাক-পাচলি আৰু ফল-মূলতো এনে কিছুমান পদাৰ্থ থাকে যিয়ে হৃদযন্ত্ৰৰ ৰোগ প্ৰতিৰোধ কৰাত সহায় কৰিব পাৰে।
২) আপোনাৰ খাদ্যত নিমখৰ পৰিমাণ হ্ৰাস কৰক: অত্যধিক নিমখ (ছডিয়াম) সেৱন কৰিলে আটাইতকৈ সুস্থ মানুহৰ তৰল পদাৰ্থ জমা হৈ থাকিব পাৰে। হৃদযন্ত্ৰৰ বিকলতা থকাসকলৰ ক্ষেত্ৰত অতিৰিক্ত ছডিয়ামে গুৰুতৰ জটিলতাৰ সৃষ্টি কৰিব পাৰে।ইয়াৰ উপৰিও ই উচ্চ ৰক্তচাপ বৃদ্ধি কৰিব পাৰে, যিয়ে বৰ্তমানৰ হৃদযন্ত্ৰৰ বিকলতা প্ৰধান কাৰণ হৈ পৰে।
৩) গোটা শস্য জা্তিয় খাদ্য খাবলৈ আৰম্ভ কৰকঃ গোটা শস্য আঁহ আৰু অন্যান্য পুষ্টিকৰ উপাদানৰ ভাল উৎস যিয়ে ৰক্তচাপ আৰু হৃদৰোগ নিয়ন্ত্ৰণত ভূমিকা পালন কৰে।
৪)মদ্যপান বা নিচা জাতিয় সামগ্ৰী পৰিহাৰ কৰকঃ মদ্যপান সেৱন কৰিলে হৃদৰোগৰ সমস্যাসমূহ বৃদ্ধিৰ আকংশা বৃদ্ধি কৰে।আৰু হৃদযন্ত্ৰৰ পেশী দুৰ্বল কৰি তুলে। হৃদৰোগত আক্ৰান্ত ৰোগীৰ বাবে বজাৰত উপলব্ধ সকলো প্ৰকাৰৰ নিচা জাতিয় সামগ্ৰী এৰাই চলাটোৱেই উত্তম।
৫) আতিৰিক্ত তেল বা চৰ্বিযুক্ত মাংস, চেনীযুক্ত অথবা উচ্চ কলেষ্টেৰল থকা খাদ্য যেনে মাখন, তাল, নাৰিকল তেল, পনিৰ, ৰঙা মাংস আদি পৰিহাৰ কৰিব লাগ্।কাৰণ ইয়াত অধিক পৰিমাণৰ ‘Saturated fat’ থাকে যিয়ে কলেষ্টৰেলৰ মাত্ৰা বৃদ্ধি কৰে আৰু আপোনাৰ হৃদৰোগ হোৱাৰ সম্ভাৱনা বৃদ্ধি কৰে ।সেইবাবেই এনে খাদ্যবোৰ পৰিহাৰ কৰা উচিত।