মহাৰাষ্ট্ৰৰ ৪টাকৈ মন্দিৰত শুকুৰবাৰৰ পৰা আৰম্ভ কৰা হৈছে নিৰ্ধাৰিত ড্ৰেছ কোড৷
চলিত মাহৰ আৰম্ভণিতেই ৰাজ্যখনৰ তুলিজা ভৱানী মন্দিৰত এই প্ৰথাৰ প্ৰচলন কৰাৰ কথা প্ৰকাশ কৰা হৈছিল ৷
ইয়াৰ পাছতেই মহাৰাষ্ট্ৰ মন্দিৰ মহাসংঘই শুকুৰবাৰে নিৰ্ধাৰিত ড্ৰেছ কোডৰ আৰম্ভণি কৰে ৰাজ্যখনৰ ৪টাকৈ মন্দিৰত ।
জানিব পৰা মতে সংকটমোচন পঞ্চমুখী হনুমান মন্দিৰ, গোপালকৃষ্ণ মন্দিৰ, বৃহস্পতি মন্দিৰ আৰু দুৰ্গামাতা মন্দিৰত আৰম্ভ কৰা হৈছে এই প্ৰথা৷
পৰৱৰ্তী সময়ত মহাৰাষ্ট্ৰ চৰকাৰে প্ৰতিটো মন্দিৰতেই এই প্ৰৰ্থা আৰম্ভ কৰিব বুলি সদৰি কৰিছে। এই নিয়ম অনুসৰি, ভক্তসকলে মাৰ্জিত পোছাক পৰিধান কৰিহে প্ৰৱেশ কৰিব পাৰিব মন্দিৰত । তদুপৰি মন্দিৰৰ চৌহদৰ বিভিন্ন স্থানত উল্লেখ থাকিব বিশেষ নিয়মাৱলী ।
উল্লেখ্য যে, এই নিয়ম আৰম্ভ কৰাৰ কিছু সময়ৰ ভিতৰতেই সৃষ্টি হোৱা তীব্ৰ প্ৰতিক্ৰিয়াৰ প্ৰতি লক্ষ্য ৰাখি সাময়িকভাৱে এই নিয়মাৱলী বন্ধ কৰিবলৈ বাধ্য হয় মহাৰাষ্ট্ৰ মন্দিৰ মহাসংঘই।।