DIGITAL DESK: ‘গীতমালা’ৰ বাবে পৰিচিত আইকনিক ৰেডিঅ’ ব্যক্তিত্বৰ অধিকাৰী আমিন সায়ানীৰ দেহাৱসান।আইকনিক ৰেডিঅ’ আয়োজক কৰ্মৰত আমিন সায়ানীৰ ৯১ বছৰ বয়সত মৃত্যু হোৱা বুলি পৰিয়ালৰ লোকে জানিবলৈ দিয়ে। হৃদযন্ত্ৰৰ বিকলতাৰ বাবে তেখেতে মুম্বাইৰ এইচ এন ৰিলায়েন্স চিকিৎসালয়তে শেষ নিশ্বাস ত্যাগ কৰে বুলি তেওঁৰ পুত্ৰ ৰাজিল ছায়ানীয়ে সংবাদ মাধ্যমৰ আগত বুধবাৰে প্ৰকাশ কৰে।
“নমস্কাৰ ভাইয়ো আৰু বেহনো, মেইন আপকা দোষ্ট আমিন সায়ানী বোল ৰহা হুন,” গম্ভীৰ কন্ঠশ্বৰে ৰেডিঅ’ চেটৰ পৰা নিগৰি অহা কণ্ঠই শেহতীয়াকৈ স্বাধীন ভাৰতত দৰ্শকক আকৰ্ষণ কৰিছিল। ৰেডিঅ’ চিলনত ৩০ মিনিটৰ অনুষ্ঠান হিচাপে আৰম্ভ হোৱা তেওঁৰ অনুষ্ঠান ”বিনাকা গীতমালাই” ১৯৫০ চনত বিশেষ সমাদৰ লাভ কৰিছিল।
১৯৩২ চনৰ ২১ ডিচেম্বৰত মুম্বাইত জন্মগ্ৰহণ কৰা আমিন সায়ানী তেওঁৰ সুৰীয়া কণ্ঠ আৰু আকৰ্ষণীয় শৈলীৰে দৰ্শকক প্ৰজন্মৰ পিছত প্ৰজন্ম মোহিত কৰিছিল । তেওঁ ইংৰাজী ভাষাৰ সম্প্ৰচাৰক হিচাপে নিজৰ কৰ্মজীৱন আৰম্ভ কৰিছিল, আৰু ভাৰতৰ স্বাধীনতাৰ পিছত হিন্দীলৈ পৰিৱৰ্তিত হৈছিল।ভাৰতত ৰেডিঅ’ শুনাক জনপ্ৰিয় কৰি তোলাত তেখেতৰ গুৰুত্বপূৰ্ণ ভূমিকা আছে আৰু সমগ্ৰ দেশৰ জনসাধাৰণৰ সৈতে তেঁও সংযোগ স্থাপন কৰিবলৈ সক্ষম হৈছিল। তেওঁ ৰেডিঅ’ জনপ্ৰিয় অনুষ্ঠান ‘গীতমালা’ৰ জৰিয়তে বিশেষকৈ অপৰিসীম জনপ্ৰিয়তা লাভ কৰিছিল। বলিউদৰ তেওঁ বিভিন্ন ছবিত সৰু সৰু চৰিত্ৰত অভিনয় কৰিছিল আৰু তেখেতে প্ৰায়ে ঘোষকৰ চৰিত্ৰত অভিনয় কৰিছিল।ভইচ অভাৰ আৰ্টিষ্ট হিচাপে তেওঁৰ ৫৪,০০০ৰো অধিক ৰেডিঅ’ অনুষ্ঠান আয়োজন আৰু কম্পিং কৰাৰ অভিলেখ আছে। ভইচ অভাৰ আৰ্টিষ্ট হিচাপে প্ৰায় ১৯,০০০ জিংগলত অৱদানৰ বাবে লিমকা বুক অৱ ৰেকৰ্ডছতো তেওঁৰ অভিলেখ আছে।
কৰ্মৰ জৰিয়তে ভাৰতীয় সম্প্ৰচাৰত বৈপ্লৱিক পৰিৱৰ্তন আনিবলৈ তেওঁ গুৰুত্বপূৰ্ণ ভূমিকা পালন কৰিছিল আৰু শ্ৰোতাৰ সৈতে এক অতি বিশেষ সম্পৰ্ক গঢ়ি তুলিছিল। তেওঁৰ মৃত্যুত তেখেতৰ পৰিয়াল, প্ৰশংসক আৰু সকলো ৰেডিঅ’ প্ৰেমীলৈ সমবেদনা জ্ঞাপন কৰিলোঁ