দিল্লীত সংঘটিত হ’ল এক চাঞ্চল্যকৰ ঘটনা। পূৱ দিল্লীৰ ময়ুৰ বিহাৰৰ ফেজ-২ ৰ সৰ্বোদয় বাল বিদ্যালয়ৰ দশম শ্ৰেণীত অধ্যয়ন কৰি থকা চাৰিজন শিক্ষাৰ্থীৰ ওপৰত সংঘটিত হৈছে চুৰিৰে আক্ৰমণ কৰাৰ ঘটনা। দিল্লী আৰক্ষীয়ে জনোৱা মতে আন এখন বিদ্যালয়ৰ ছাত্ৰ-ছাত্ৰীৰ সৈতে হোৱা কাজিয়াৰ পিছত চাৰিজন শিক্ষাৰ্থীক বিদ্যালয়ৰ বাহিৰত কৰিছিল আক্ৰমণ। চাৰিজনৰ ভিতৰত তিনিজন সামান্য আঘাতপ্ৰাপ্ত হোৱাৰ বিপৰিতে এজন ছাত্ৰক চিকিৎসালয়ত ভৰ্তি কৰোৱা হৈছে। অৱশ্যে ছাত্ৰজন এতিয়া বিপদমুক্ত বুলি দিল্লী আৰক্ষীয়ে জনায়।
