বতৰ VS এনজাইতি!
বতৰ আৰু আপোনাৰ মানসিক স্বাস্থ্যৰ মাজত আছে এটা আচৰিত সম্পৰ্ক
আপোনাৰো কেতিয়াবা বতৰ সলনি হলে মন সলনি বা উদাস অনুভৱ কৰে নেকি! কোনো কৰ্মতে মন নবহা বা দূখ অনুভৱ হয় নেকি? তেন্তে ভয় নাখাব! ইয়াৰ আৰঁত আছে কিছু নজনা,নুশুনা আচৰিত সম্পৰ্ক। বছৰৰ কিছুমান বিশেষ সময়ত সূৰ্যৰ পোহৰ কম হোৱা জলবায়ুত ঋতুভিত্তিক আৱেগিক বিকাৰৰ সৃষ্টি হোৱাৰ ফলত এনে লক্ষন সমূহে দেখা দিয়ে।লক্ষণসমূহ হ’ল যেনে ক্লান্তি, হতাশা, আশাহীনতা,সামাজিকভাৱে আঁতৰি যোৱা আদি।ঋতুভিত্তিক আৱেগিক বিকাৰ বা SAD হৈছে হতাশাৰ এক প্ৰকাৰ।SAD অৰ্থাৎ Seasonal Affective Disorder।
প্ৰায় সংখ্যক লোকে ভাৱে যে এনেকোৱা উদাস অনুভৱ কেৱল শীতকালতে হয় কিন্তু ইয়াৰ প্ৰভাৱ গ্ৰীষ্মকালতো দেখা যায় আনকি বাৰিষাতো ইয়াৰ প্ৰভাৱ পৰিলক্ষিত হয়।জানো আহক বতৰ আৰু মানসিক স্বাস্থ্য মাজত আচলতে কি সম্পৰ্ক-
SAD হৈছে এক প্ৰকাৰৰ মনোৱস্থা।ইয়াৰ লক্ষণসমূহ হৈছেঃ-
১)দিনটোৰ বেছিভাগ সময় প্ৰায় অলস, দুখী বা নিম্ন অনুভৱ কৰা
২)এসময়ত ভাল পোৱা কামবোৰৰ প্ৰতি আগ্ৰহ হেৰুৱাই পেলোৱা
৩)শক্তি কম হোৱা আৰু মন্থৰ অনুভৱ কৰা
৪)বেছি টোপনিৰ সমস্যা হোৱা
৫)অতিমাত্ৰা খাদ্য খোৱা আৰু ওজন বৃদ্ধি
৬)মনোযোগ দিবলৈ অসুবিধা হোৱা
৭)আশাহীন, অমূল্য বা দোষী অনুভৱ কৰা
কেতিয়াবা নিৰাশ অনুভৱ হোৱাটো স্বাভাৱিক কথা। কিন্তু যদি আপুনি এটা সময়ত দিনে দিনে নিৰাশ অনুভৱ কৰে আৰু আপুনি সাধাৰণতে ভাল পোৱা কামবোৰ কৰিবলৈ অনুপ্ৰাণিত হ’ব নোৱাৰে। বিশেষকৈ যদি আপোনাৰ টোপনিৰ ধৰণ আৰু ভোক সলনি হৈছে, আপুনি আৰাম বা শিথিলতাৰ বাবে মদ্যপানৰ ফালে মুখ কৰে, বা আপুনি আশাহীন অনুভৱ কৰে বা আত্মহত্যাৰ দৰে কথা চিন্তা কৰে।আপুনি যদি এনেবোৰ সমস্যাৰ সন্মুখীন হৈছে,তেতিয়াহলে ইয়াৰ উচিত চিকিৎসাই আপোনাৰ মানসিক স্বাস্থ্য সঠিক কৰি তুলিব।কোনো বিশেষজ্ঞৰ মতে ইয়াৰ চিকিৎসাৰ ভিতৰত লাইট থেৰাপী (ফটোথেৰাপি), টক থেৰাপী(Talk therapy) আৰু ঔষধ আদি ব্যৱহাৰ কৰা হয়।